伊莉討論區

標題: (恐怖鬼故事)抅魂使者 [打印本頁]

作者: 天使009 時間: 2009-9-27 11:10 PM 標題: (恐怖鬼故事)抅魂使者

HEHE~唔好意思呀咁多位..我真係多野做..
攪到成日都走左路..好彩有大家幫我掃地JA~
唔係既話我個POST一定沉左落海了
由於大圍既靈異事件講得7788了~我暫時都諗唔到D特別既經歷..
所以我會開始講其他地方發生既事...
呢件事係發生係我另一個呀E身上既..
PS:我有3個呀E嫁~ 之前一齊住果個係2E,今次呢件事係3E...
講下前奏先..我3E有2個女,今次係發生係大女仲係BB既時候,
佢不嬲唔多信鬼神之說既..所以我之前發生果D野..佢都唔多理會..
佢亦一直住開黃X花園,一直都冇咩事發生..
直到佢大女出世幾個月..就發生左一件幾可怕既事...
咁果時因為我婆婆同舅父同3個表哥都係住黃X..
但因為間屋細..所以我婆婆每晚食完飯,攪掂哂就會過我3E屋企訓..第2日先番過屋企..
某一晚..我婆婆亦都好似平時咁過左3E到訓..
PS:3E當時間屋有2間ROOM..一間俾婆婆訓..一間就係佢兩公婆訓..
大女張床係放係廳的.. 即係夜晚BB女自己訓..佢地會成日出去望下佢咁..
我3E訓到半夜..聽到個女喊..之後就即刻起身出去..
我3E既身手都幾快..佢一聽到BB喊已經衝出去..
點知就當佢一衝到出ROOM門..已經見到一個著白色衫褲,
身形同我婆婆差唔多既"人"企左係BB床邊..仲好明顯係望住BB的...
佢開頭仲以為係我婆婆..但再諗一諗...已經知道我婆婆冇可能會快得過佢行左出廳..
佢即刻望一望婆婆間ROOM..我婆婆真係仲係入面訓緊..
佢當時本著母愛..唔想個女受到傷害..即刻衝去廳既另一邊開枱燈..
當佢開完燈..再回頭望下BB床...白衫既"婆婆"已經消失左..
之後佢即刻叫醒老公同婆婆...同番佢地講...
老人家就教佢用大人既衫包住BB,要同BB一齊訓..
之後先知道..原來果位白衫婆婆係黎帶走BB...
如果遲左出去睇BB..可能已經.....
同埋老人家係有講過叫咩名..不過我唔記得啦
不過呢..呢件事我覺得我3E唔多岩..佢冇理由放BB床係廳嫁MA
好彩呢件事之後佢都即刻同BB一齊訓..冇再放係廳...

歡迎光臨伊莉討論區 (http://www02.eyny.com/)